Leyla Abdullayevadan “Charlie Hebdo” jurnalına sərt cavab - FOTO
Azərbaycanın Fransadakı səfiri Leyla Abdullayeva “Charlie Hebdo” jurnalını sərt tənqid edib.
Demedia.az xəbər verir ki, diplomat bu barədə özünün tvitter hesabında yazıb.
“Siz Ermənistanın Azərbaycan ərazilərinin 20%-ni 30 illik hərbi işğalı zamanı yaratdığı təhlükəni unutmusunuz. İndi isə Azərbaycan öz suveren ərazilərində sülhü təmin etdiyi halda, siz hansı təhlükədən danışırsınız?” - deyə o, jurnalın rəhbərliyinə bildirib.
Qeyd edək ki, “Charlie Hebdo”nun dünənki sayında Ukraynadakı müharibənin Ermənistan və Qarabağ üzərindəki “təhlükə”ni unutdurduğu barədə məqalə dərc olunub və hər kəsə ermənilərin xeyrinə səfərbər olmaq çağırışı edilib.
