Azərbaycan vətəndaşları 70 ölkəyə vizasız gedə bilərlər
Azərbaycan “Henley & Partners Visa Restrictions Index”də 76-cı yerdə qərarlaşıb və ölkə vətəndaşları dünyanın 70 ölkəsinə vizasız gedə bilərlər.
Bu barədə Demedia.az qurumun 2023-cü ilin birinci rübünə dair hesabatına istinadən xəbər verir.
Bu, ötən illə müqayisədə bir ölkə çoxdur.
Xatırladaq ki, 2022-ci ildə Azərbaycan bu reytinqdə 78-ci yerdə qərarlaşmışdı.
Reytinqdə ilk sıranı 193 ölkəyə vizasız getmək hüququ verən Yaponiya pasportu tutur. Sonrakı yerlərdə Sinqapur və Cənubi Koreya (192) qərarlaşıb.
