Heyvanlar yanaraq tələf oldu
İmişli rayonunda yanğın baş verib. Nəticədə iri və xırda buynuzlu heyvanlar tələf olub.
EL.TV-nin verdiyi məlumata görə, hadisə rayonun Çaxırlı kəndində qeydə alınıb. Kənd sakini Azay Babayeva məxsus heyvandarlıq təsərrüfatında başlayan alov küləyin təsirindən güclənərək tövlə və ətrafdakı ot bağlamalarını da cənginə alıb. Təsərrüfat sahibi Azay Babayevin sözlərinə görə, hadisənin baş vermə səbəbi hələki məlum deyil. Hadisə yerinə İmişli rayon yanğından mühafizə xidmətinin texnika və canlı qüvvəsi cəlb edilib. Alov söndürələrək ətraf ərazilərə keçməsinin qarşısı alınıb. 150 kvadratmetr sahəsi olan tövlə və içərisindəki 26 baş xırda buynuzlu, 5 baş iri buynuzlu heyvan və 70-ə yaxın ot bağlaması yanaraq məhv olub. Təsərrüfatçıya ciddi ziyan dəyib.
Ayşən
demedia.az
