Zabrat qəbiristanlığında qəbir daşları dağıdıldı
Paytaxtın Sabunçu rayonunda Zabrat qəsəbəsində yerləşən qəbiristanlıqların birində naməlum şəxslər tərəfindən bir neçə qəbir daşının dağıdılması ilə bağlı araşdırma aparılır.
DİN-in Mətbuat xidmətindən Demedia.az-a bildirilib ki, faktla bağlı Sabunçu Rayon Polis İdarəsinin İstintaq şöbəsində Cinayət Məcəlləsinin 245-ci (qəbir üzərində təhqiredici hərəkət) cinayət işi açılıb. Əməli törədən şəxsin, yaxud şəxslərin müəyyənləşdirilərək istintaqa cəlb edilməsi istiqamətində tədbirlər görülür.
Tədbirlərin nəticəsi ilə bağlı məlumat veriləcək.
