Arıçılar yaylaqlara hazırlaşır
Arıçılar Qarabağ yaylaqlarına getməyə hazırlaşır. EL.TV xəbər verir ki, təsərrüfatçılar əsasən Laçın və Kəlbəcər yaylaqlarına üz tutmağı planlayırlar. Arılarını yaylaqlara aparacaq təsərrüfatçılar indi həm də yaz baxım işlərini görürlər.
Qışlamadan çıxan arıların vəziyyətini də qənaətbəxşdir. Arı ailələrinin hazırkı durumu arıçıların ürəyincədir. Artıq vaxt da yaxınlaşır. Bir müddətdən sonra arıçılar təsərrüfatlarını yaylaqlara çıxaracaqlar. Getməzdən əvvəl isə bu canlılara müxtəlif vitaminlər verirlər, ramka və şan tədarükü görürlər. Bu zəhmətkeş canlılara verilən vitaminlər onları müxtəlif xəstəliklərdən qoruyacq. İndi arıçılar yaylaqlara hazırlaşmaqla yanaşı həm də yaz təsərrüfat işlərini görürlər. Arılar qışdan yaxşı çıxdığından təsərrüfatçılar bu il yaylaqlara daha çox arı ailəsi apara biləcəklər. Arıçılıq təsərrüfatlarının may ayının 3-cü ongünlüyündən işğaldan azad edilən Kəlbəcər və Laçın rayonlarına köçü başlayacaq. Arı ailələrinin köçürülməsi üçün qeydiyyat prosesi isə həmin rayonların Dövlət Aqrar İnkişaf Mərkəzlərində aparılacaq.
