Göyçayda “Heydər Əliyev və milli-mənəvi dəyərlərimiz” mövzusunda tədbir keçirildi
Göyçayda şəhər “Mərkəz” məscidində Dini Qurumlarla İş üzrə Dövlət Komitəsinin Göyçay bölgəsi üzrə şöbəsi və Göyçay rayon İcra Hakimiyyətinin, eləcə də Qafqaz Müsəlmanları İdarəsinin bölgə qazılığının birgə təşkilatçılığı ilə “Heydər Əliyev və milli-mənəvi dəyərlərimiz” mövzusunda tədbir keçirilib.
Demedia.az EL Tv-yə istinadən xəbər verir ki, tədbirdə əvvəlcə Ümummilli Lider Heydər Əliyevin Göyçay şəhərinin mərkəzində ucaldılan abidəsi ziyarət edilib.
Çıxış edənlər Ulu Öndər Heydər Əliyevin milli-mənəvi və dini dəyərlərimizin qorunması istiqamətində misilsiz xidmətlərindən danışıblar. Eyni zamanda Ulu Öndərin bütün həyatı boyu mənəvi-əxlaqi və dini dəyərlərimiz, adət-ənənələrimizin keşiyində durduğu da diqqətə çatdırılıb. Tədbirdə milli-mənəvi, dini dəyərlərimizə qayıdış və dəyərlərin təbliğində Ümummilli Liderin rolundan, tolerant və multikultural ənənələrə verdiyi önəmdən bəhs edilib. Tədbirdən sonra dini icma sədrləri və din xadimləri Göyçay şəhər Mərkəzi Xəstəxanasında Ulu öndər Heydər Əliyevin anadan olmasının 100 illiyi ilə əlaqədar təşkil olunan qanvermə aksiyasında iştirak ediblər.
