Mingəçevirdə futbol turnirinə start verildi
Mingəçevirdə Ümummilli lider Heydər Əliyevin anadan olmasının 100 illiyilə əlaqədar 10 həvəskar komanda arasında futbol üzrə şəhər turnirinə start verilib.
Demedia.az EL TV-yə istinadən xəbər verir ki, Yeni Azərbaycan Partiyası Mingəçevir şəhər təşkilatının keçirdiyi tədbirdə şəhər ictimaiyyətinin nümayəndələri də iştirak ediblər.
Dövlət Himnimiz səsləndirilib. Azərbaycanın ərazi bütövlüyü uğrunda canlarından keçən şəhidlərimizin xatirəsi bir dəqiqəlik sükutla yad edilib. Turnirdə 10 komanda iştirak edir. Birincilik mayın 25-nə qədər davam edəcək. İlk üç yeri tutan komandalara sonda diplom, medal və qiymətli hədiyyələr təqdim olunacaq.
