Narkotik əkən və silah saxlayan şəxslər saxlanıldı - VİDEO
Sabirabad polisi istixanada çətənə bitkisi əkən rayon sakinini saxlayıb.
Demedia.az EL TV-yə istinadən xəbər verir ki, rayonun Ulacalı kənd sakini Asif Cəfərov narkotik tərkibli bitkilərin kultivasiyası ilə məşğul olmaqda şübhəli bilinir. Həmin şəxsin yaşadığı ünvana keçirilən baxış zamanı həyətində olan istixanadan kultivasiya yolu ilə yetişdirilən 59 ədəd çətənə kolu aşkarlayaraq maddi sübut kimi götürüblər.
Digər bir əməliyyat nəticəsində isə qanunsuz olaraq silah-sursat saxlamaqda şübhəli bilinən şəxs saxlanılıb. Saxlanılan şəxsin idarə etdiyi minik avtomobilinə keçirilən baxış zamanı oradan “AKS-74U” markalı avtomat silah, 2 ədəd patron sandığı və 76 ədəd patron aşkarlanaraq götürülüb. Aparılan araşdırmalar zamanı saxlanılan şəxsin Saatlı rayon sakini, əvvəllər məhkum olunmuş Elan Bayramov olduğu müəyyən edilib. Saxlanılan şəxs avtomobildə olan silahın ona məxsus olduğunu bildirib. Faktlarla bağlı Sabirabad RPŞ-də araşdırmalar davam etdirilir.
