Orta Muğan kartofu xarici bazarlara çıxarılır - VİDEO
Saatlıda kartof yığımına başlanılıb.
Demedia.az EL TV-yə istinadən xəbər verir ki, istehsal edilən məhsul daha çox xarici ölkələrə ixrac olunur.
Amma, fermerləri narahat edən çətinliklər də mövcuddur. Təsərrüfatçılar bununla belə yeni sortaların axtarışındadırlar. Saatlıda, kartof rayonun Orta Muğan kəndində yetişdirilir. Bu kənddə demək olar ki, hər kəs kartof əkini ilə məşğul olur. Yəni kiçik həyatyanı sahədə belə kartof becərənlər var. Burada tam yerli məhsul istehsal olunur. Bir hektar əraziyə 2 ton toxum əkilir. Məhsuldarlıq yaxşı olanda 8 sentnerə yaxın məhsul tədarük olunur. Gədəbəydə dəmyə üsulu ilə yetişdirilən Telman sortu Aran bölgəsinin suvarılan torpaqlarında effekti yaxşı olur. Tədarükçü Məhəmməd Dadaşov deyir ki, bu cür keyfiyyətli toxumlara ehtiyac var. Toxum seçimi imkanları olsa daha çox məhsul yetişdirə bilərlər. Amma, əsas çətinliklərdən biri odur ki, kartofun maya dəyəri təsərrüfatçılara baha başa gəlir. Orta Muğan kəndində istehsal olunan kartof əldə qalmır. Bu il olduqca böyük təlabat var. Xüsusən xarici ölkələrdə. Ona görə də bu kənddən xarici bazarlara gündəlik kartof ixrac edilir. Bu il Orta Muğan kəndində 60 hektar sahədə kartof yetişdirilib. Bu il 500 tona yaxın məhsulun istehsal olunacağı gözlənilir.
