Kürdəmirdə 3 avtomobil toqquşdu
Kürdəmirdə 3 avtomobilin iştirakı ilə zəncirvari qəza baş verib, xəsarət alanlar var.
Demedia.az EL TV-yə istinadən xəbər verir ki, hadisə zamanı yol təsərrüfatına da ziyan dəyib.
Yol qəzası Bakı-Qazax magistral yolunun rayonun Karrar kəndi ərazisindən keçən hissəsində qeydə alınıb. “VAZ-2106” markalı avtomaşın yol ayrıcında dönmə əməliyyatı edərkən Bakı istiqamətində hərəkətdə olan “Volsvagen” markalı minik maşınına çırpılıb. İdarəetmədən çıxan “Volsvagen” qarşısında hərəkətdə olan və içi yüklə dolu “MERCEDES” markalı mikroavtobusa çırpılıb. Nəticədə, mikroavtobus yoldan çıxaraq aşıb və içərisində olan tonlarla xiyar yola dağılıb. “VAZ-2106”da olan sürücü və Kürdəmirin Pirli kənd sakinləri Mübariz Abdulla oğlu Zeynalov və Sənan Hökməli oğlu Əhmədov, eyni zamanda “Volsvagen”dəki sərnişin Bakı şəhər sakini Rəşad Novruz oğlu Abdullayev müxtəlif dərəcəli bədən xəsarətləri alıb. Yaralılar dərhal Təcili Tibbi yardım maşınının köməyi ilə Kürdəmir rayon Mərkəzi Xəstəxanasına aparılıb və həkim nəzarətinə götürülüb. Faktla bağlı araşdırma aparılır.
