“Qəlbimizdə yaşayanlar” adlı kitabın təqdimatı keçirildi - VİDEO
Kürdəmirdə 2-ci Qarabağ müharibəsinin şəhidlərinə həsr olunan “Qəlbimizdə yaşayanlar” adlı kitabın təqdimatı keçirilib.
Demedia.az EL TV-yə istinadən xəbər verir ki, Kürdəmir Regional Mədəniyyət İdarəsinin Dövlət Rəsm Qalereyasında şəhid Adəm Əliyevin adına olan böyük sərgi salonunda şairə Esmira Günəşin şəhidlərimizə həsr etdiyi "Qəlbimizdə yaşayanlar" kitabının təqdimatı baş tutub.
Kitabda Kürdəmir şəhidlərindən Adəm Əliyev və Tural Eyyubov da yer alıb. Çıxış edənlər şəhid Adəm Əliyevin necə igid qoçaq el-obaya bağlı oğul olduğunu diqqətə çatdırıblar. Şəhidimizə həsr olunan videoçarxlar nümayiş etdirilib. Esmira Günəşin şəhidimizin xatirəsinə həsr etdiyi şeirləri səsləndirilib. Məktəblilər vətənpərvərlik mövzusunda musiqilər ifa ediblər. Daha sonra qonaqlar birlikdə Şəhidlər Xiyabanını və şəhid Adəm Əliyevin xatirə bulağını ziyarət edərək ona ehtiramlarını bildiriblər.
