Sabirabadda uşaqların əl işləri sərgiləndi - VİDEO
Sabirabadda “1 iyun-Uşaqların Beynəlxalq Müdafiəsi Günü” nə həsr edilən tədbir keçirildi.
Demedia.az EL TV-yə istinadən xəbər verir ki, “Uşaqlar bizim gələcəyimizdir” adlı yaradıcılıq festivalından öncə Uşaqların Beynəlxalq Müdafiəsi gününə həsr edilən əl işlərindən ibarət sərgiyə baxış oldu. Uşaqların çəkdiyi rəsmlə maraqla qarşılandı. Festival uşaqların yaradıcılığına həsr olunan müxtəlif nömrələrlə davam etdirildi.
Vətənə və qəhrəmanlara aid mahnılar səsləndirildi. Bayram abu-havası nağıl presonajlarının çıxışı ilə daha da şən keçdi. Ağsuda rayonunda da uşaq yaradıcılıq festivalı keçirildi. Məktəblilərin Ulu Öndər Heydər Əliyevə həsr etdiyi əl işləri sərgisinə baxış keçirildi. Mədəniyyət evinin zalında təşkil olunan festivalda əvvəlcə Dövlət Himni səsləndirilib. Uşaq xor kollektivinin ifasında “Xaiq Heydər söləyəcək” və “Qarabağ mahnısı”, rayon məktəblilərinin ifasında “Zəfər kompazisiyası”, Uşaq dram dərnəyinin ifasında “Qarabağa qayıdış” səhnəciyi, milli rəqslərlə yanaşı digər xalqların rəqsləri, nağaraçıların çıxışı və bədii qiraət nümunələrindən ibarət konsert proqramı festival iştirakçılarının böyük marağına səbəb olub. Festivalın sonunda 2023-cü ilin “Heydər Əliyev İli” elan edilməsi ilə əlaqədar bu il rayonda keçirilən intellektual bilik yarışmasının, şeir və əl işləri müsabiqələrinin, “Ata vəsiyyətini yerinə yetirən Sərkərdə” mövzusunda yazı müsabiqəsinin qaliblərinə qiymətli hədiyyələr və diplomlar təqdim edildi. Ağcabədidə azyaşlılar rayon ictimaiyyətinin qarşısında bacarıqlarını nümayiş etdirdilər. Uşaqlar yaşlarına görə böyük yaradıcılıq nümunələri sərgilədilər. Xüsusi qayğıya ehtiyacı olan körpələrin də əl işləri sərgiləndi. Bərdədə təşkil olunan tədbirdə isə şəhid və qazilərin övladları ilə yanaşı aztəminatlı ailələrin də övladları iştirak edirdi. Tədbirin yekununda uşaqlar üçün hədiyyələr verildi. Daha sonra rayon mədəniyyət evində uşaqlar üçün konsert proqramı təşkil edildi.
