Bərdədə 1-ci ixtisas qrupu üzrə imtahan keçirildi
Dövlət İmtahan Mərkəzi Bərdə rayonunda birinci ixtisas qrupu üzrə ali təhsil müəssisələrinə qəbul imtahanı keçirib.
Demedia.az EL TV-yə istinadənə xəbər verir ki, imtahan Bərdə rayonu üzrə 4 mərkəzdə təşkil olunub.
Prosesin idarə olunmasına 4 ümumi rəhbər, 13 imtahan rəhbəri, 93 nəzarətçi-müəllim, 15 buraxılış rejimi əməkdaşı cəlb edilib. İmtahanlarda 1143 abituriyentin iştirakı nəzərdə tutulub. İmtahan prosesinin idarə olunması üçün DİM-də operativ qərargah fəaliyyət göstərib, müntəzəm olaraq imtahanın keçirildiyi binalarla əlaqə saxlanılıb və imtahan prosesinin gedişi nəzarətdə olub. Bütün binalarda imtahan təlimata uyğun şəkildə təşkil edilib, şagirdlərin öz bilik səviyyələrini nümayiş etdirmələri üçün zəruri şərait yaradılıb.
Bu gündən etibarən DİM-də imtahan protokolları və cavab vərəqlərinin emalı aparılacaq.
