Ucarda kombaynın təkəri partladı - Ölən var
Ucarda bədbəxt hadisə baş verib.
Demedia.az EL TV-yə istinadənə xəbər verir ki, nəqliyyat vasitəsinin təkərinə hava vurmaq istəyən kənd sakini təkərin partlaması nəticəsində dünyasını dəyişib.
Ucar sakini bədbəxt hadisə nəticəsində ölüb. Hadisə bu gün səhər saatlarında rayonun Yuxarı Şilyan kəndində baş verib. Kənd sakini, 1977-ci il təvəllüdlü Hakim Hətəm oğlu Əhmədov kombaynın ön təkərinə hava vurarkən təkər anidən partlayıb. Hadisə zamanı ağır xəsarət alan Hakim Əhmədov xəstəxanaya aparılarkən yolda dünyasını dəyişib. Mərhumun yaxınlarının sözlərinə görə, Hakim Əhmədov bu ilin may ayında çalışıb ailəsini dolandırmaq məqsədi ilə Aqrolizinqdən kombayn icarəyə götürüb. O vaxtdan taxıl biçininə hazırlıq məqsədi ilə kombaynı təmir edərək saz vəziyyətə gətirib. Bu gün səhər saat 7 radələrində kombaynın ön təkərinin bir qədər boşalması səbəbindən ona hava vurmaq qərarına gəlib. Elə bədbəxt hadisə də bu vaxt baş verib. Hansı səbəbdənsə təkər partlayıb və o, ağır xəsarət alıb. Xəstəxanaya aparılarkən yolda dünyasını dəyişib.
Faktla bağlı araşdırma aparılır.
