Dərdlərinə əlac axtaran kənd sakinləri - VİDEO
Tərtərin Qəzyan kəndinin sakinləri bax beləcə artezian sarıdan çətinlik çəkirlər.
Demedia.az EL TV-yə istinadən xəbər verir ki, təsərrüfarçıların istifadəsində olan artezian quyusundan çıxan suyun 2020-ci ildən başalayaraq azaldığı müşahidə edilib.
Elə vaxtdan bu yana suvarma suyu tapa bilməyən fermerlər aidiyyətı qurumlara dəfələrlə müraciətlər etməyə başlayıblar. Lakin görünən odur ki, su deyib çətinlik çəkən fermerlərin harayına çatan yoxdur. Artıq bitki əkilmiş sahələr isə getdikcə zəhmətkeşlərin göz dağına çevrilir. İndiki halda nə nə əkə bilirlər, nə də əkdiklərini sulaya bilirlər. Ümid yalnız yağışlaradır. Qəzyan kənd sakinləri deyir ki, yeganə gəlir vasitəmiz bu torpaqlardır. Torpaqları suvara bilməyəndə isə bizə məhsul vermir. Su çətinliyi heyvandarlığın yem bazasını da möhkəmlənidirməyə mane olur. Tərtər Suvarma Sistemləri İdarəsindən artezian quyusunun təmir üçün qeydiyyata alındığı bildirilir. Bərpa işlərinin maliyyə vəsaiti ayrıldıqdan sonra mümkün olacağı deyilir. Amma, fermerlər bunun əksini söylərirlər. Onlar Tərtər Suvarma Sistemləri İdarəsində haqqında danışılan alternativ vasitələrlə əkin sahələrini suvara bilmədiklərini deyirlər. Təsərrüfatçılar belə getsə, bu il də əkin sahələrindən məhsul əldə edə bilməyəcəklərini proqnozlaşdırırlar.
