Oğurluqda şübhəli bilinən şəxslər saxlanıldı - VİDEO
İmişli Rayon Polis Şöbəsinə rayonun Ağaməmmədli kəndindəki təsərrüfatların birindən 1200 manat dəyərində iribuynuzlu heyvanın oğurlanması barəsində məlumat daxil olub.
Demedia.az EL TV-yə istinadən xəbər verir ki, məlumatla əlaqədar müvafiq araşdırmalara baṣlanılıb.
Oğurluq əməlini törətməkdə şübhəli bilinən rayon sakini Şəmsi Əmirov müəyyən edilib. O, iribuynuzlu heyvanı Sabirabad rayonu ərazisindəki mal bazarında satmaq istəyərkən polis əməkdaşları onu saxlayıb. Saxlanılan şəxsin ətrafında davam etdirilən tədbirlərlə Şəmsi Əmirovun digər cinayət əməllərinin də üstü açılıb. Məlum olub ki. adıçəkilən şəxs tanışı Samir Qurbanovla birlikdə qabaqcadan əlbir olaraq bu ilin fevral və may aylarında İmişlinin Ağaməmmədli və Muradxanlı kəndlərinin ərazisindəki iki fərdi təsərrüfatdan bir iribuynuzlu və iki xırdabuynuzlu heyvanı oğurlayıblar. Həmin heyvanları sataraq əldə etdikləri pulu öz aralarında bölüblər. Polis Samir Qurbanovu da saxlayaraq istintaqa təqdim edib. Faktla bağlı cinayət işi başlanılıb, hər iki şəxs barəsində rayon məhkəməsinin qərarı ilə həbs qətimkan tədbiri seçilib. Araşdırmalar davam etdirilir.
