“Sağlam məhəllə” idman zonası istifadəyə verilib - VİDEO
Sabirabad şəhəri Şəhid Anar Məmmmədov küçəsində yaşayan uşaqlar, yeniyetmə və gənclər də idmansız qalmayacaq.
Demedia.az EL TV-yə istinadən xəbər verir ki, çünki burada “sağlam məhəllə” idman zonası istifadəyə verilib. Minifutbol və basketbol meydançaları, stolüstü tennis, şahmat, eləcə də hər yaş qrupuna uyğun fitnes avadanlıqları yerləşdirilib. Açılış mərasimində gənclər və idman naziri Fərid Qayıbov da zonada yaradılan şəraitlə tanış oldu. İdmançılara uğurlar arzuladı. Burada məhəllə sakinlərinə həm də peşəkar idmançılar dəstək olub. Məşqçilər, idmançılar, master-klass keçib, uşaqlara müxtəlif idman hərəkətləri öyrədiblər.
“Sağlam məhəllə” layihəsini Gənclər və İdman Nazirliyi həyata keçirir. Daha əvvəl isə Bakı, Gəncə və Zaqatalada da “Sağlam məhəllə” idman zonası istifadəyə verilib.
