Sürücüləri qayda pozmağa vadar edən səbəb - VİDEO
Bərdə-Yevlax avtomobil yolunun üzərindəki məlumat lövhələri çoxillik ağacların budaqları arasında itib-batır.
Demedia.az EL TV-yə istinadən xəbər verir ki, yolla hərəkət edərkən bir neçə məlumatlandırıcı lövhə və sürət həddi nişanlarına rast gəlirsən. Qarşına qəfildən çıxan bu yol-hərəkəti nişanları sanki birdən peyda olur.
Peyda olur ona görə deyirəm ki, yol nişanları uzaqdan sürücüyə görünməli olduğu halda avtomobil yalnız həmin nişana çatanda sürücü məlumatverici lövhəni görə bilir. Özü də çətinliklə. Bəzi yerlərdə isə kənd adları və sürət həddini bildirən lövhələrin görünüşü bu səbəbdən məhdudlaşır. Belə olan halda isə nəqliyyat vasitəsini idarə edən sürücülər qeyri-ixtiyari olaraq qaydanı pozurlar. Məsələ ilə bağlı Bərdə Yaşıllaşdırma İdarəsindən bildirildi ki, problemin yaranmasına səbəb ağacların budanması dövründə havaların qeyri-sabit keçməsi olub. Bu səbəbdən də yol kənarlarındakı ağacların budanması işləri ləngiyib. İdarə rəsmisi qarşıya çıxan çətinliklə bağlı yarım qalan işlərin qış mövsümündə davam etdiriləcəyini bildirdi.
