Tibb işçilərinin peşə bayramı günüdür - VİDEO
Kürdəmirdə Tibb İşçilərinin Peşə Bayramı münasibətilə tədbir keçirilib.
Demedia.az EL TV-yə istinadən xəbər verir ki, tədbirdə bir qurup tibb işçisi mükafatlandırılıb.
Əvvəlcə Ulu Öndərin abidəsi önünə tər qərənfillər düzərək ruhuna dualar oxuyublar. Son illər Azərbaycanda səhiyyənin maddi-texniki bazasının möhkəmləndirilməsi, müasir tibbi texnologiyaların tətbiqi, kadr hazırlığı sahəsində görülən işlər və qazanılan uğurlardan danışılıb. Heydər Əliyev Fondunun diabetli, talassemiyalı xəstələrə göstərdiyi qayğının, onların müalicəsinin təşkilində, qanvermə aksiyalarının keçirilməsində, ana və uşaqların sağlamlığının qorunmasında gördüyü işlərdən bəhs olunub. Vurğulanıb ki, pandemiya dövründə həkimlər fədakarlıqlar göstərərək gecə-gündüz demədən əhalinin sağlamığı uğrunda əllərindən gələni ediblər. Təntənəli yığıncaqda bir qrup qabaqcıl tibb işçisinə göstərdikləri xidmətə görə və Tibb İşçilərinin Peşə Bayramı münasibətilə rayon icra hakimiyyəti və Kürdəmir rayon Mərkəzi Xəstəxanasının Publik Şəxsin fəxr fərmanları və qiymətli hədiyyələri təqdim olunub. Sonda tədbir incəsənət ustalarının iştirakı ilə tibb işçilərinin maraqlı və əyləncəli rəqsləri ilə davam edib.
