Müəllimlərin sertifikasiya imtahanı keçirildi
Bu gün ölkə üzrə 13 şəhər və rayonda müəllimlərin sertifikasiya imtahanları təşkil edilib.
Demedia.az EL TV-yə istinadən xəbər verir ki, Mingəçevirdə 2296 ibtidai sinif müəllimi sertifikasiya imtahanında iştirak edib.
İmtahanlar 4 binada keçirilib. Texniki Humanitar Liseydə baş tutan sertifikasiya imtahanında 260 nəfər ibtidai sinif müəlliminə 60 sual təqdim edilib. Sualları cavablandırmaq üçün 120 dəqiqə vaxt verilib. Mərkəzi Aran Regional Təhsil İdarəsi üzrə yerdə qalan ibtidai sinif müəllimləri iyunun 23-də test imtahanı verəcək. İyunun 24-də isə 636 nəfər Azərbaycan dili və ədəbiyyat müəllimi üçün imtahan təşkil olunacaq. Yüksək nəticə göstərən müəllimlərin əmək haqqlarının artırılması nəzərdə tutulub.
