Dörd rayonda "Azəriqaz"ın “Açıq mikrofon”u qurulacaq
Növbəti həftə daha 4 rayonda SOCAR “Azəriqaz” İstehsalat Birliyinin “Açıq mikrofon”u qurulacaq.
Demedia.az xəbər verir ki, növbəti həftə iyulun 17-si, 18-i, 20-si və 21-də dörd rayonda vətəndaşlarla “Açıq mikrofon” aksiyası keçiriləcək. Aksiya həftənin 1-ci günü saat 11:00-dan 12:00-dək Qobustan rayonu, Sədəf kəndində (şəhid Elyar Vəliyevin evinin qarşısı), 2-ci günü saat 12:00-dan 13:00-dək Şamaxı rayonu, Zarat Xeybəri kəndində (orta məktəbin qarşısı), 4-cü günü saat 11:00-dan 12:00-dək İsmayıllı rayonu, Qoşakənd kəndində (İcra nümayəndəliyinin qarşısı), 5-ci günü isə saat 11:00-dan 12:00-dək Ucar rayonu, Şahlıq kəndində (poçt məntəqəsinin qarşısı) baş tutacaq. Vətəndaşlar qeyd olunan ünvanlara yaxınlaşaraq “Açıq mikrofon” aksiyasının imkanlarından maksimum istifadə edərək, öz problem və təkliflərini rahat şəkildə ifadə edə bilərlər.
