Aslan Abbaszadə YAP tərəfindən təltif edildi
22 iyul – Milli Mətbuat Günü münasibətilə Yeni Azərbaycan Partiyası Səbail rayon təşkilatının təşkilatçılığı ilə tədbir keçirilib.
Tədbirdə YAP Səbail rayon təşkilatının sədri Muxtar Nağıyev, Azərbaycan Respublikası Prezidentinin Administrasiyasının Rəqəmsal media ilə iş sektorun məsul əməkdaşı Rahu Şirinova, Yeni Azərbaycan Partiyası Mərkəzi Aparatının İnformasiya texnologiyaları və ictimaiyyətlə əlaqələr şöbəsinin müdiri Nurlan Qələndarlı və aparıcı media qurumlarında çalışan şəxslər iştirak edib.
Tədbirdə 22 iyul – Milli Mətbuat Günü münasibəti ilə və kütləvi informasiya vasitələrində göstərdiyi dəstəyə görə bir qrup jurnalist təltif olunub.
Təltif olunanlar arasında Faktor.az xəbər portalının Baş Redaktoru Aslan Abbaszadə də olub. Təşəkkürnaməni YAP-ın Mərkəzi Aparatının İnformasiya texnologiyaları və ictimaiyyətlə əlaqələr şöbəsinin müdiri Nurlan Qələndarlı təqdim edib.
