Gəncədə silahlı şəxsə qarşı əməliyyat keçirildi - Foto
Gəncə şəhərində qanunsuz olaraq odlu silah saxlayan şəxsin həbs edilməsi üçün əməliyyat keçirilib.
Demedia.az xəbər verir ki, bu barədə Daxili İşlər Nazirliyinin mətbuat xidmətinin Gəncə regional qrupundan bildirilib.
Gəncə şəhər Baş Polis İdarəsinin narkotiklərlə mübarizə bölməsinin keçiridkiləri əməliyyat-axtarış tədbirləri nəticəsində qanunsuz qanunsuz olaraq odlu sulah saxlamaqda və gəzdirməkdə şübhəli bilinərək saxlanılan Fərahim Verdiyevin ətrafında davam etdirilən əməliyyat tədbirləri nəticəsində şübhəli şəxsin tanışı, hazırda oğurluq cinayəti törətdiyinə görə Ədliyyə Nazirliyinin Pentensiar Xidmətinin 2 saylı İstintaq Təcritxanasında həbsdə olan Zaur Heydərzadənin də odlu silah gizlətməsi məlum olub.
Z.Heydərzadə dərhal Baş Polis İdarəsinin əməkdaşları tərəfindən istintaqa cəlb olunub və o, ifadəsində vəfat etmiş dostundan odlu slah almasını və onu şəhər ərazisində gizlətməsini etiraf edib.
Sözügedən əraziyə baxış keçirilən zaman oradan 1 ədəd “Kalaşnikov” markalı avtomat və həmin silaha aid 1 ədəd daraq aşkar edilib.
Faktla bağlı cinayət işi başlanıb.
Araşdırmalar davam etdirilir.
