Ərdoğan: “Putin Türkiyəyə avqustda gələcək”
Türkiyə Prezidenti Rəcəb Tayyib Ərdoğan Rusiya prezidenti Vladimir Putinin Türkiyəyə səfərinin avqustda baş tutacağını açıqlayıb.
Demedia.az xəbər verir ki, Prezident Rəcəb Tayyib Ərdoğan İstanbulda cümə namazından sonra jurnalistlərin suallarını cavablandırıb.
Onun sözlərinə görə, səfərin dəqiq tarixi hələ ki müəyyənləşməyib. Ərdoğan bildirib ki, Türkiyə və Rusiyanın "Taxıl sazişi" ilə bağlı eyni mövqedən çıxış edirlər.
"Biz bu məsələdə Rusiya ilə bir sıradayıq. Rusiyadan Qara dəniz dəhlizi ilə gələcək taxılları una çevirib, yoxsul Afrika ölkələrinə, inkişaf etməmiş ölkələrə daşıyacağıq. Biz indi belə Ərzaq, Kənd Təsərrüfatı və Heyvandarlıq Nazirliyi olaraq bu addımları atmağa və dəstəkləməyə davam edəcəyik. Fransa bunu ilk dəfə etmir. Onun Əlcəzair və Ruandadakı təcrübələri dünya rekordlarında mövcuddur.. Onlar Fransaya qızıl və uranın daşınmasını dayandırıblar. Bu, həmin ölkələrə illərlə edilən zülmün mükafatıdır. Onlarla müsbət münasibətlərimizi qorumağa çalışırıq", - deyə Türkiyə Prezidenti deyib.
