Üçüncü kurs tələbəsi faciəvi şəkildə öldü - YENİLƏNİB
Bu gün saat 19 radələrində Mingəçevir şəhəri ərazisində "Mercedes" markalı avtomobil idarəetmədən çıxaraq yolun kənarındakı iki piyadanı vurub.
Daxili İşlər Nazirliyinin Mətbuat Xidmətinin Şəki regional qrupundan bildirilib ki, hadisə nəticəsində piyadalardan biri - 2005-ci il təvəllüdlü Nazlı Rövşən qızı Hüseynova aldığı xəsarətlərdən vəfat edib, digər piyada İmamrza Çingiz oğlu Sadıqzadə isə xəsarət alıb.
Hər iki piyadanın Mingəçevir Turizm kollecinin üçüncü kurs tələbəsi olduğu bildirilir.
Faktla bağlı araşdırma aparılır.
20:56
Mingəçevir şəhərində piyadanın ölümü ilə nəticələnən yol-nəqliyyat hadisəsi olub.
"Report"un məlumatına görə, "Mercedes" markalı avtomobil iki piyadanı vurub. Bakı şəhər sakini 2005-ci il təvəllüdlü N.Hüseynova hadisə yerində ölüb, digər piyada İ.Sadıqzadə isə müxtəlif bədən xəsarətləri alaraq xəstəxanaya yerləşdirilib.
Onun vəziyyəti qənaətbəxş qiymətləndirilir.
Faktla bağlı araşdırma aparılır.
