Mərkəzi Bankın iki əməkdaşı saxlanıldı: MİLYONLAR OĞURLANIB
Rusiya Mərkəzi Bankının iki əməkdaşı köhnə əskinaslarla dələduzluq etdikləri üçün saxlanılıb.
Demedia.az xəbər verir ki, bu barədə “Baza” məlumat yayıb.
Qeyd olunur ki, onlar məhv ediləcək köhnə pulları oğurlamaqda şübhəli bilinirlər. Onlar Mərkəzi Bankının Cənub Baş İdarəsi şöbələrinin mühəndisləridir.
İstintaqın məlumatına görə, 36 yaşlı Andrey Tişenski və 49 yaşlı Sergey Protsko digər şəxslərlə əlbir olaraq Mərkəzi Bankın binasında olarkən təxminən 9,77 milyon rubl oğurlayıblar.
Ola bilsin ki, bankirlərin oğurladığı məbləğ daha çox olsun. Axtarış zamanı şübhəlilərdən birinin üzərindən 100 milyon rubldan artıq köhnə pul tapılıb.
Hadisə əsasında müstəntiqlər Rusiya Federasiyası Cinayət Məcəlləsinin 158-ci maddəsinin 4-cü hissəsi (“Bir qrup şəxs tərəfindən xüsusilə külli miqdarda oğurluq”) ilə iş açıb.
