Prezident: "Macarıstan Avropa İttifaqında Azərbaycanın ən vacib tərəfdaşlarından biridir"
Prezident İlham Əliyev Macarıstanın Avropa İttifaqında Azərbaycanın ən vacib tərəfdaşlarından biri olduğunu qeyd edib.
Demedia.az-ın xəbərinə görə, bu fikirləri Prezident İlham Əliyev sentyabrın 19-da Macarıstanın Azərbaycanda yeni təyin olunan fövqəladə və səlahiyyətli səfiri Tamaş Yojef Tormanın etimadnaməsini qəbul edərkən deyib.
Dövlət başçısı Azərbaycan ilə Macarıstan arasında çox yaxşı siyasi əlaqələrin olduğunu, ölkələrimizin iqtisadiyyat, ticarət, enerji və digər sahələrdə sıx əməkdaşlıq etdiyini bildirib.
