Marsla bağlı bu iddia təsdiqləndi



 17:00 20.12.2023     152

Arizona Universitetinin alimləri sübut ediblər ki, Mars planeti yaxın keçmişdə geoloji cəhətdən əvvəllər düşünüldüyündən daha aktiv olub.

Demedia.az xəbər verir ki, “Journal of Geophysical Research: Planets” jurnalında dərc olunan araşdırmaya görə, Elysian Planitia adlı bölgənin altında geniş miqyaslı lava tökülməsinə səbəb olan nəhəng mantiya şleyfi var.

Astronomlar NASA-nın Mars Kəşfiyyat Orbitindən (MRO), MRO-nun SHARAD radarından alınan məlumatları və Mars Global Surveyor-un lazer altimetrindən alınan məlumatları birləşdirib. Bu, tədqiq olunan bölgənin daxili hissəsinin üçölçülü görüntüsünü əldə etməyə və təxminən bir milyon il əvvəl çoxsaylı çatlardan lava tökülməmişdən əvvəl görünüşünü yenidən qurmağa imkan verib.

Tədqiqatçılar 40-dan çox vulkan püskürməsi müəyyən ediblər

Elysium Planitia-nın yer qabığındakı çatlar vasitəsilə qrunt sularının fəlakətli şəkildə buraxılması nəticəsində baş verə biləcək bir neçə böyük daşqınla üzləşdiyi də göstərilib. Bununla belə, lava və su arasında qarşılıqlı əlaqənin aydın əlamətlərinə baxmayaraq, yeraltı buzlar yalnız düzənliyin bəzi ərazilərində bu günə qədər qala bilib.