Tramp növbəti praymerizin qalibi oldu
ABŞ-ın keçmiş prezidenti Donald Tramp bülletenlərin 90 faizi hesablandıqdan sonra Cənubi Karolinada Respublikaçıların praymerizində qalib gələrək 60 faiz səs toplayıb.
Demedia.az xəbər verir ki, bu barədə CNN məlumat yayıb.
ABŞ-ın BMT-dəki keçmiş daimi nümayəndəsi Nikki Heyli hazırda 39,3 faiz səs toplayıb.
Tramp artıq Cənubi Karolinada qələbəsini elan edib.
Heyli məğlubiyyətini etiraf edib. O, tərəfdarları qarşısında Trampı qələbəsi münasibətilə təbrik edib və 2011-2017-ci illərdə qubernator vəzifəsində çalışdığı ştatda məğlub olmasına baxmayaraq, yarışda qalacağına söz verib.
Qeyd edək ki, eks-prezident bundan öncə Nyu-Hempşir ştatında keçirilən Respublikaçılar Partiyasının praymerizində qalib gəlib.
