Günəşdə gün ərzində ikinci ən güclü alovlanma baş verib
![](/adv/turkiyede-mualice.gif)
![](https://img.demedia.az/news/2024/05/photo_26886.jpg)
Alimlər bir gündə Günəşdə ikinci ən yüksək dərəcəli “X” sinifli alovlanma qeydə alıblar.
Demedia.az xəbər verir ki, bu barədə Tətbiqi Geofizika İnstitutundan (IPG) məlumat verilib.
“Mayın 11-də Moskva vaxtı ilə saat 14:44-də (Bakı vaxtı ilə 15:44 – red.) 3664 (S18W60) ləkələr qrupunda rentgen diapazonunda 46 dəqiqə davam edən X1.5 alovlanması aşkar edilib. Alovlanma QD-radiorabitəsinin (qısa dalğa – red.) pozulması ilə müşayiət olunub”, – məlumatda diqqətə çatdırılıb.
Ümumilikdə, son iki həftə ərzində ən yüksək X sinifinin 12 alovlanması baş verib.