Telefonunuz səbəbsiz yerə çox qızır? – Bunlara fikir verin
Mobil cihazın səthinin bir az qızması normal haldır. Doldurma zamanı və ya uzun müddət aktiv istifadə nəticəsində telefon bir qədər istiləşə bilər.
Demedia.az xəbər verir ki, belə vəziyyətlərdə narahatlığa səbəb yoxdur.
Həmçinin, cihazın birbaşa günəş işığı altında yerləşməsi səbəbindən qadcetin səthinin temperaturu da arta bilər. Bu halda telefonu gün olmayan yerə qoymaq lazımdır.
Bəs, telefon heç bir səbəb olmadan qızarsa nə etməliyik?
Yuxarıdakı səbəblərdən əlavə, telefon səbəbsiz yerə çox qızırsa, problem zərərli proqram ola bilər.
Başqa sözlə, virusun smartfona daxil olması mümkündür. Bu zaman mobil cihazdakı yük əhəmiyyətli dərəcədə artır. Bu da istiliklə nəticələnir.
Problem qadceti zərərli proqramlardan təmizləməklə həll edilir. Təsdiqlənmiş antivirusdan istifadə edin. Ola bilər ki, bu hərəkət smartfonun yenidən normal işləməyə başlaması üçün kifayət edəcək.
