“Arsax” sözü və ya ifadəsi tamamilə qadağan edilməlidir!” – RUSİYADAN MÜSAHİBƏ
Ermənistanda hələ də inanırlar ki, ATƏT-in Minsk Qrupun Dağlıq Qarabağ münaqişəsinin son siyasi həll yolunu tapacaq beynəlxalq mandata malik yeganə formatdır.
Bu açıqlama ilə Ermənistan Xarici İşlər (XİN) naziri Ara Ayvazyan çıxış edib. O ümid edir ki, həmsədrlər səlahiyyətlərini təsdiqləyəcək və sülh prosesinə təsirli şəkildə rəhbərlik edəcəklər.
Qarabağla bağlı imzalanan və Azərbaycanın İkinci Qarabağ müharibəsindəki qələbəsinin qeydə alındığı üçtərəfli Bəyanatın (Rusiya, Azərbaycan və Ermənistan) İrəvanı məmnun etmədiyi açıqdır.
Bundan əlavə, Ayvazyan yenidən “Arsax”ın tanınmasına dair köhnə valı yenidən işə salıb. Yəqin ki, Ermənistan xarici işlər nazirliyinin rəhbəri müharibənin nəticələrini unudub, bu müddət ərzində Azərbaycan artıq öz ərazilərini azad edib.
Plexanov adına Rusiya İqtisad Universitetinin Siyasi Elmlər və Sosiologiya kafedrasının dosenti, “Rusiya Zabitləri” Ekspert Şurasının üzvü Aleksandr Perendjiev Media.Az-a Ermənistan XİN rəhbərinin açıqlamaları şərh edib.
- Ara Ayvazyan “Qarabağ münaqişəsinin son siyasi həllinə” nail olmaqla bağlı ATƏT-in Minsk Qrupuna müraciət edir. Sizcə İrəvan niyə keçmişə qayıtmağa çalışır?
- Bu açıqlama Ermənistanda həqiqətən də revanşizm fikirlərinin olduğunu göstərir. Bu, Azərbaycanın qərb bölgələrindəki münaqişənin həlli üçün Rusiya, Azərbaycan və Ermənistanın imzaladığı üçtərəfli Bəyatantı legitimliyini pozmaq cəhdidir (qəsdən yalnız Qarabağdan danışmıram, çünki bəzi oxucularda məhdud bir ərazi hissi var, mən bu barədə keçən ilki reportajımda sizə demişəm).
Açığı, heç bir nəticə əldə etməyən ATƏT-in Minsk qrupu Ermənistan üçün daha faydalıdır. Danışıqlar prosesinin təqlidi İrəvanın xeyirinə, lakin Bakının maraqlarına zidd oldu. Ancaq üçtərəfli format Azərbaycanın bütövlüyünün bərpasına kömək etdi. Bəli, Rusiya sülhməramlılarının məsuliyyət zonasında kiçik bir ərazi qalıb. Və onlar artıq qaydalara riayət edirlər, Bakının razılığı olmadan xaricilər də daxil olmaqla “qonaqlara” icazə vermirlər.
Bütün bunlar İrəvanın heç də xoşuna gəlmir və Ermənistan ATƏT-in Minsk Qrupunun heç bir şey etmədiyi vaxtlar üçün darıxır.
- Ancaq İrəvanda “Arsax”ın tanınması barədə danışmağa davam edirlər...
-… “Arsax” sözü və ya ifadəsi tamamilə qadağan edilməlidir! Heç bir sənəddə belə bir anlayış yoxdur. Bu saxtakarlıqdır, erməni icmasının uydurması və Azərbaycan Respublikasının qərb ərazilərinin bir hissəsini özündə saxlamaq cəhdidir. İşğalçılar sonradan ələ keçirilməsinə haqq qazandırmaq üçün həmişə bir növ saxta ərazi birləşmələri ilə çıxış edirlər. Bu terminin hər hansı bir məmur tərəfindən istifadə edilməsi Azərbaycanın ərazi bütövlüyünə təcavüz, yəni cinayət hesab edilməlidir.
- Bakı ilə İrəvan arasında sülh müqaviləsinin imzalanması ehtimalı barədə nə düşünürsünüz? Ermənistanda buna hazır olmadıqları aydındır.
- Keçmişdə müsahibələrimdə bir neçə dəfə demişəm ki, iki müqavilə imzalamaq lazımdır: sülh və sərhədlər haqqında. Nəticədə belə də olacaq, bu, Azərbaycanın qərb bölgələrindəki münaqişənin sona çatması məntiqindən irəli gəlir.
Bəli, Ermənistanda buna hələ cəhd eləmirlər. Ancaq onlar yeddi rayonu belə geri qaytarmaq istəmirdilər. Amma indi proses gedir. Ermənistanın öz ərazisi qalır, onu heç bir təhlükə gözləmir. Yəni, onlar istəsələr də, istəməsələr də müqavilələrin imzalanmağına doğru irəliləyirlər. Rusiyadan səliqəli “diplomatik sillələrə” ehtiyac ola bilər. Ermənistana başqasının deyil, özününkünü istifadə etməsini öyrədilməlidir. Bəli, bu İrəvan üçün çətin və xoşagəlməz bir şeydir. Ancaq buna baxmayaraq, Ermənistanın başqa bir çıxış yolu yoxdur.
