Hərbi təyyarələrimiz və "Bayraqdar"lar uçuşlara başladı
Azərbaycan Hərbi Hava Qüvvələrinin döyüş təyyarələri, "Bayraqdar" və müxtəlif tipli digər pilotsuz uçuş aparatları hazırlıq planına uyğun olaraq təlim-məşq uçuşlarına başlayıb.
Bu barədə Nexeber.az-a Müdafiə Nazirliyindən bildirilib.
Aviasiya vasitələrinin uçuşları müəyyən edilmiş marşrutlar üzrə həyata keçirilir.
Döyüş vərdişlərinin təkmilləşdirilməsi məqsədi ilə aparılan məşqlərdə hərbi pilotlar və PUA operatorları tapşırıqları gecə və gündüz vaxtı icra edir.
Təlim-məşqlərində hava kəşfiyyatı aparılmaqla şərti düşmənin yerüstü hədəflərinin koordinatları təyin edilir.
