İran xarici işlər naziri Bakıya gəlir
İran xarici işlər naziri Məhmməd Cavad Zərif gələn həftə Rusiya və Qafqaz ölkələrinə səfər edəcək.
Nexeber.az Trend-ə istinadən bildirir ki, bunu iranlı nazirin özü jurnalistlərə açıqlamasında deyib.
Zərifin sözlərinə görə, Azərbaycan, Rusiya, Gürcüstan və Ermənistana səfərlərin tarixi artıq müəyyənləşib. Nazir bununla əlaqədar koronavirus testinin cavabını gözləyir.
İranlı nazir deyib ki, səfərdə məqsəd Qarabağda sülh və stabilliyə kömək edə biləcək ölkələrlə danışıqlar aparmaqdır.
Zərif əlavə edib ki, ötən gün Türkiyə xarici işlər naziri Mövlud Çavuşoğlu ilə telefon danışığı olub və Türkiyəyə səfər də planlaşdırılır.
