General Hikmət Mirzəyevə yüksək vəzifə verildi
General-leytenant Hikmət Mirzəyev müdafiə nazirinin müavini - Quru Qoşunların komandanı təyin edilib.
Demedia.az Pravda.az-a istinadən xəbər verir ki, bu barədə müvafiq Sərəncam imzalanıb.
Bundan əvvəl eyni vəzifəni icra edən general-leytenant Ənvər Əfəndiyev isə ehtiyata buraxılıb.
Qeyd edək ki, 56 yaşlı Hikmət Mirzəyev bu təyinata kimi Xüsusi Təyinatlı Qüvvələrin (XTQ) komandanı idi.
Aprel döyüşlərinin və Vətən müharibəsindəki döyüş əməliyyatlarının əsas hərbi rəhbərlərindən olan Mirzəyev bir neçə rayonun işğaldan azad edilməsinə komandanlıq edib.
Vətən müharibəsinin gedişində Prezident İlham Əliyev ona general-leytenant rütbəsi verib. Sonradan “Vətən Müharibəsi Qəhrəmanı” adına layiq görülüb.
