“TikTok”la bağlı rəsmi araşdırma başladı
![](/adv/turkiyede-mualice.gif)
![](https://img.demedia.az/news/2024/02/photo_24077.jpg?v=MjAyNC0wMi0yMCAxNToyNTo0Nw==)
Avropa İttifaqı Komissiyası “TikTok” sosial media platformasının Rəqəmsal Xidmətlər Qanununun (DSA) qaydalarını pozduğunu müəyyən etmək üçün rəsmi araşdırmaya başlayıb.
Demedia.az xəbər verir ki, "TikTok"-un "uşaqların müdafiəsi, şəffaf reklam, tədqiqatçılar üçün məlumatların əldə edilməsi və platformanın asılılıq yaradan dizaynı və zərərli məzmun riskləri" ilə bağlı DSA qaydalarını pozub-pozmadığı qiymətləndiriləcək.
Rəsmi araşdırma "TikTok"-un 2023-cü ilin sentyabrında komissiyaya təqdim etdiyi hesabata və məlumat sorğularına verilən cavablardan sonra aparılan ilkin araşdırmadan sonra başlayıb.
2023-cü ilin avqustunda qüvvəyə minən Aİ qanunu əsas rəqəmsal platformalara sərt qaydalar tətbiq edib. Aİ qaydaları pozan rəqəmsal platformalar üçün qlobal dövriyyəsinin 6 faizinə qədər cərimə tətbiq edə bilər. Təkrar pozuntular halında, bu rəqəmsal platformaların Aİ-dəki fəaliyyətinə xitam verilə bilər.