Sahibə Qafarova Simonyanla ikinci görüşündən danışdı



 13:00 21.05.2024     292

Parlamentin bugünkü iclasında spiker Sahibə Qafarova ermənistanlı həmkarı ilə görüşündən danışıb.

Demedia.az xəbər verir ki, Sahibə Qafarova deyib ki, Cenevrədə Azərbaycan və Ermənistan parlament sədrlərinin ikinci görüşü keçirilib:

"Görüşdə hər iki ölkənin parlamentlərinin sülh prosesinə necə töhfə verəcəyi ilə bağlı müzakirələr davam etdirilib".

Qeyd edək ki, 2024-cü il mayın 16-da Cenevrədə keçirilən Parlament Sədrlərinin VI Ümumdünya Konfransının Təşkilat Komitəsinin 1-ci İclası çərçivəsində Azərbaycan və Ermənistan parlamentlərinin sədrləri Sahibə Qafarova və Alen Simonyanın ikinci görüşü keçirilib.