Avstraliya parlamentində Azərbaycanın Müstəqillik Günü ilə əlaqədar rəsmi qəbul təşkil olunub



 09:12 30.05.2024     245

Avstraliyanın parlamentində 28 May – Azərbaycanın Müstəqillik Günü ilə əlaqədar rəsmi qəbul təşkil olunub.

Demedia.az xəbər verir ki, bu barədə Azərbaycanın İttifaqdakı səfirliyi məlumat yayıb.

“Avstraliya İttifaqının Federal Parlamentində Avstraliya-Azərbaycan Parlamentlərarası Dostluq Qrupu və Səfirliyin birgə təşəbbüsü və təşkilatçılığı ilə Azərbaycan Respublikasının Müstəqillik Günü ilə bağlı rəsmi qəbul təşkil olunmuşdur”, – diplomatik missiyanın mətbuat xidməti nəql edib.

Qeyd olunub ki, “senator və konqresmenlərin, dövlət rəsmilərinin və diplomatik nümayəndəliklərin rəhbərlərinin iştirak etdiyi tədbirdə yeni təsis olunmuş dostluq qrupunun inaqurasiya mərasimi keçirilmişdir”.