Zakir Həsənov Ukraynadan Türkiyəyə qayıdan pilotlarla görüşdü
Türkiyədə səfərdə olan Azərbaycanın müdafiə naziri, general-polkovnik Zakir Həsənov türkiyəli həmkarı Hulusi Akarla birlikdə Ukraynadan Türkiyəyə qayıdan A400M təyyarələri pilotlar və onların ailələri ilə görüşüb.
Demedia.az xəbər verir ki, bu barədə Türkiyə Milli Müdafiə Nazirliyi məlumat yayıb.
Nazirlər həmin pilotların ailələrinə hədiyyələr veriblər.
Türkiyənin milli müdafiə naziri Hulusi Akar vəzifəni uğurla yerinə yetirən pilotları təbrik edib.
Xatırladaq ki, humanitar yardımların çatdırılması və Ukraynadakı Türkiyə vətəndaşlarınn təxliyəsi üçün bu ölkəyə yola düşən iki A400m təyyarəsi dünən Türkiyənin Kayseri şəhərinə qayıdıb.
