Nura məktəbli formalarının bahalığından gileyləndi
"Qarşıma məktəbli geyimlərinin qiyməti ilə bağlı bir paylaşım çıxdı. Bir neçə övladı olan valideyn bu formanı necə alsın? Dövlət məktəbləri ödənişsizdirsə, heç olmasa forma da pulsuz olsun".
Demedia.az xəbər verir ki, bu sözləri müğənni Nura Suri sosial şəbəkə hesabında yazıb.
"Məktəb ləvazimatları da baha, geyim də... Ümumiyyətlə 300-500 AZN maaş alan ailələr necə dolansın? Marketlərdə qiymətlər hər gün qalxır. Ərzaq baha, geyim baha, maaş az. Kommunaldan heç danışmıram. Pensiya ilə dolananlar nə yeyir, kommunalı necə ödəyir? Bir əlacı var bu problemin? Bu sualı millət vəkillərinə ünvanlayıram".
Qeyd edək ki, növbəti tədris ili üçün ətək və şalvarlar 25, qısaqol və uzunqol köynəklər 15, jaketlər isə 25 manatdır.
