Məşhur müğənnidən gözlənilməz QƏRAR
Dünya şöhrətli müğənni Adele karyerasına uzunmüddətli fasilə verəcək.
Demedia.az xəbər verir ki, müğənni bu barədə məlumatı Münhendə səhnədə olarkən açıqlayıb.
36 yaşlı müğənni 3 ildir fasiləsiz çıxışlar etdiyini, bu ritmdən yorulduğunu etiraf edib. O, indi sadəcə öz həyatını yaşamaq istədiyini bildirib.
Əvvəllər heç vaxt bu qədər uzun müddət işləmədiyini deyən sənətçi gələcəkdə bir daha bu cür qrafikə qayıtmağı düşünmədiyini diqqətə çatdırıb.
Qeyd edilir ki, Adelenin Las-Veqasda daha 10 konserti qalıb. Konsertlər noyabr ayında baş tutacaq. Bundan sonra pərəstişkarları onu uzun müddət görə bilməyəcəklər.
