Aynişan: “Sevgini yalan, nankorluq və xəyanət bitirir”
Əməkdar artist Aybəniz Haşımovanın bloqer qızı Aynişan Quliyeva sosial şəbəkədə izləyicilərinin suallarını cavablandırıb.
Nexeber.az Axşam.az-a istinadən xəbər verir ki, bir müddət əvvəl boşanma xəbəri ilə gündəmə gələn Aynişan “Sizi sıxışdıran suallar verən insanlara qarşı münasibətiniz necədir?” sözlərinə “Məni kimsə sualları ilə sıxışdıra bilməz. İstəmədiyim suala cavab vermirəm”, - deyə qeyd edib.
Bloqer daha sonra “Artıq məndə darıxma hissi yoxdur. Güclü olmaq yaxşıdır, amma belə olmaq üçün insan çox əziyyət çəkməli olur. Heç kim xoş günündən güclü olmur. Çətinlik bizi güclü edir. Kaş ki, hamı güclü deyil, xoşbəxt olsa”, - deyə sözlərinə əlavə edib.
Aynişan evliliyi bitirən amilləri sadalayıb. “Sevgini evlilik bitirmir. Sevgini güvənsizlik, yalanlar, nankorluq və xəyanət bitirir” sözlərini söyləyib.
“Ayrılan qadın qisas hissi ilə yaşayır” fikrinə bloqqer “Ortada sevgi varsa, məncə, ola bilər. Əks halda, heç vecinə də deyil” deyərək fikrini tamamlayıb.
