Sumqayıt şosesində avtoqəza - VİDEO
Yüksək sürətlə hərəkət edən "VAZ 2107"nin sürücüsü qəza törətdi
Nexeber.az Real TV-ə istinadən bildirir ki, Bakının Binəqədi rayonunda yol-nəqliyyat hadisəsi qeydə alınıb
Hadisə Bakı-Sumqayıt şosesinin Biləcəri qəsəbəsi ərazisinə düşən hissəsində baş verib. Qəza zamanı 1 nəfər xəsarət alıb.
"VAZ 2107" markalı avtomobilin hələlik adı bilinməyən sürücüsü yüksək sürətlə sağ zolaqdan ötmə əməliyyatı etmək istəyib. İdarəetmədən çıxan avtomobil Samir Məmmədova məxsus "Hyundai" markalı avtomobilə dəyib. Daha sonra "Hyundai" "VAZ 2107"-nin arxa hisəsinə çırpılıb və "Jiquli" aşıb.
Qəza nəticəsində "VAZ 2107"-də olan sürücü xəsarət alıb. Hadisə yerinə DYP xidmətinin əməkdaşları cəlb edilib.
Faktla bağlı araşdırma aparılır.
