300-ə yaxın jurnalist peyvənd olundu
Bu günə kimi 300-ə yaxın jurnalist vaksinasiya prosesindən keçib.
Bu barədə Nexeber.az-a Azərbaycan Mətbuat Şurasından bildiriblər.
Qeyd olunub ki, bu gün artıq vaksinasiyanın ikinci mərhələsi həyata keçirilir:
"Aprel ayının əvvəlindən başlanılan peyvəndləmə prosesində bu günə kimi 300-ə yaxın şəxs iştirak edib. Hazırda onlar arasında ikinci dozanı vurduranlar da var. Hər şey qaydasında davam edir, heç kimdə əks təsir qeydə alınmayıb".
Xatırladaq ki, Azərbaycanda cari ilin yanvar ayının 18-dən peyvəndləməyə start verilib. Hazırda 18 yaşdan yuxarı olan şəxslərin vaksinasiyası həyata keçirilir.
