"Azəristiliktəchizat"da yeni təyinat
"Azəristiliktəchizat" ASC-nin 9 saylı İstilik Sistemləri İstismar Sahəsinə rəis təyin edilib.
Bu barədə Demedia.az-a ASC-dən bildirilib.
Məlumata görə, bu vəzifə İstismar Sahəsinin baş mühəndisi Elçin Rəcəbova həvalə edilib.
O, bu vəzifədə səhhəti ilə əlaqədar, öz xahişi ilə işdən azad edilən Nüsrət Abdullayevi əvəz edib
Qeyd edək ki, 9 saylı İstilik Sistemləri İstismar Sahəsi Suraxanı rayonu ərazisində yerləşir, Yeni Günəşli qəsəbəsində 153 yaşayış binası, 8 882 mənzil, 4 məktəb, 8 uşaq bağçası, 29 digər təsərrüfat obyektlərinə xidmət göstərir.
