Xırdalanda evdə partlayış olub, iki nəfər dağıntılar altından çıxarılıb - FOTO
Abşeron rayonunun Xırdalan şəhərində evdə partlayış olub.
Nexeber.az APA-ya istinadən bildirir ki, hadisə Xırdalan şəhəri 27-ci məhəllədə baş verib.
Partlayışdan sonra evdə yanğın başlayıb. Zərbənin təsirindən yaxınlıqdakı çoxmərtəbəli binaların mənzillərinin şüşələri sınıb.
Hadisə yerinə Fövqəladə Hallar Nazirliyinin (FHN) əməkdaşları cəlb olunub.
FHN-dən APA-ya bildirib ki, iki nəfər dağıntılar altından çıxarılıb. Onlardan biri qadın, digəri uşaqdır. Dağıntılar altında qalanların olduğu ehtimal edilir.
Axtarış-xilasetmə işləri davam edir.
Hadisənin səbəbləri dəqiqləşdirilir.
---------
19:06
Abşeron rayonunun Xırdalan şəhərində partlayış olub.
Nexeber.az xəbər verir ki, hadisə yerinə yanğınsöndürənlər cəlb edilib.
Hadisə barədə əlavə məlumat veriləcək.
.png)
