Qızlar özlərini metro yoluna NİYƏ ATDILAR?
Ötən gün iki gənc qızın "20 Yanvar" stansiyasının qatar yoluna düşərək, tunellə qaçmaları ilə bağlı bir neçə iddia irəli sürülüb.
Demedia.az xəbər verir ki, bəzi məlumatlara görə, qızlar stansiya yoluna məhz Tiktok çəkmək və ya sərgüzəşt xatirinə düşüblər.
Minval.az-ın yaydığı məlumata görə isə həmin qızlar Sumqayıt şəhər sakinləridir və 10-cu sinifdə oxuyurlar. Hüquq-mühafizə orqanlarının əməkdaşları ilə söhbət zamanı qızlar özlərinə sui-qəsd etmək fikrində olduqlarını və bunu həyata keçirmək üçün Bakıya gəldiklərini deyiblər. Onların bu addımı atmalarına səbəb isə məktəbdə barələrində hansısa videogörüntülərin yayılması olub. Buna görə də qızlar rüsvayçılıqdan qaçmaq üçün belə bir addım atmaq qərarına gəliblər.
Qeyd edək ki, hazırda araşdırma aparılır və rəsmi təfərrüat açıqlanmayıb.
