Prezidentin general rütbəsi verdiyi şəxs kimdir?
Xəbər verdiyimiz kimi, Prezident İlham Əliyevin sərəncamı ilə İlqar Rza oğlu Abbasov Azərbaycan Respublikasının Strateji Obyektlərin Mühafizəsi Dövlət Agentliyinin rəisi təyin edilib.
Demedia.az xəbər verir ki, İlqar Abbasov 2017-ci il aprel ayının 26-nadək Baş prokuror yanında Korrupsiyaya Qarşı Mübarizə Baş İdarəsinin rəis müavini vəzifəsində çalışıb.
Həmin tarixdə keçmiş Baş prokuror Zakir Qaralovun əmri ilə, vəzifəsindən azad edilib və Bakı şəhər prokuroru təyin olunub.
Bu ilin aprel ayında isə səlahiyyət müddəti başa çatdığı üçün Baş prokuror Kamran Əliyevin əmri ilə Bakı şəhər prokuroru vəzifəsindən azad olunub.
Qeyd edək ki, bu gün Dövlət başçısın imzaladığı digər sərəncamı ilə Azərbaycan Respublikasının Strateji Obyektlərin Mühafizəsi Dövlət Agentliyinin rəisi İlqar Rza oğlu Abbasova general-mayor ali hərbi rütbəsi verilib.
