Həbsxanada məhbuslarla mühafizəçilər arasında gərginlik



 08:33 24.01.2023     648

Pakistanın Pəncab şəhərindəki həbsxanada məhbuslarla mühafizəçilər arasında gərginlik yaşanıb.

Demedia.az-ın yerli mətbuata istinadən məlumatına görə, naməlum səbəbdən məhbuslarla mühafizəçilər arasında qarşıdurma baş verib.

Həbsxanada palataları yandıran məhbuslardan bəziləri həbsxananın damına çıxıb.

Sosial mediada həbsxanadan yüksələn alov və damda olan bir qrup məhbusun görüntüləri yayılıb.

Güllə səslərinin eşidilən həbsxanada baş verən qarşıdurmada çoxlu məhbus, polis və mühafizəçi yaralanıb.

Ölənlərin olub-olmaması barədə hələlik məlumat yoxdur.

Bölgəyə çoxlu sayda təhlükəsizlik qüvvələri göndərilib.

Münaqişənin ölkə üzrə elektrik enerjisinin kəsildiyi gündə baş verməsi diqqət çəkib.

Xəyalə Məmmədova / Demedia.az