Sürücünün pulunu vermədi, əksinə görün nə etdi - Taksidə ŞOK OLAY
Türkiyədə Antalyanın Muratpaşa rayonunda taksi sürücüsü Mehmet Ali Çətinə (27) maşınına minən və pulunu verməyən sərnişin bıçaqla hücum edib.
Demedia.az xəbər verir ki, şübhəlinin qaçdığını bildirən Çətin, "Polisə zəng etmək üçün telefonu götürdüyüm zaman cibindən çıxardığı bıçaqla mənə hücum etdi" dedi.
Hadisə dünən günorta saatlarında Balbəy rayonunda baş verib. Kızılarık Məhəlləsində taksi dayanacağına gedən şəxs növbədə gözləyən Mehmet Ali Çətinə məxsus taksiyə minib. 4-5 kilometrdən sonra enəcəyini deyən sərnişin şalvarının və paltosunun ciblərini yoxlayıb.
Bu vaxt sərnişin cibindən narkotik olduğu bildirilən maddə çıxararaq, Çətinə 150 TL verdiyini söyləyib və pulunu dəyişməsini istəyib. Çətin pul almadığını bildirərək taksi haqqını istəyəndə bıçaqla hücuma məruz qalıb. Bıçaq şişmə gödəkçəyə dəydiyi üçün hücum edən şəxs taksidən düşüb qaçıb. Polis qaçan şübhəlinin tutulması üçün əməliyyata başlayıb.
Hadisənin şokundan çıxa bilməyən Mehmet Ali Çətin əlavə edib:
"Vağzala gəldi, növbə gözləyirdim. Üstəlik, təhlükəsizlik kameralarında da qeyd var. Gedəcəyimiz yerə çatanda o, ciblərini yoxlamağa başladı.Bir şey olduğunu anladım, nəqliyyat vasitəsinin arxa oturacağında oturmasını söylədim. Polisə zəng etmək üçün telefonu əlimə alanda çıxardığı bıçaqla mənə hücum etdi. Mən özümü qorumaq üçün hərəkət edən zaman bıçaq paltoma ilişdi, sonra o, ara küçələrə qaçaraq gözdən itdi".
Aysun / Demedia.az
